محنت کا اسلامی تصور

کتاب کا نام: محنت کا اسلامی تصور
موضوع: اقتصادیات
مصنف: مفسر قرآن علامہ شیخ محسن علی نجفی مد ظلہ العالی
ناشر: معراج کمپنی اردو بازار لاہور
سال اشاعت: ۱۹۸۳
زبان: اردو
تعداد صفحات:

دور حاضر میں عالمی استکبار محنت کے اسلامی تصور کو جھٹلانے اور اس غلط تاثر کو باور کرانے کے درپے ہے کہ اسلام میں جدید اقتصادی مسائل کا حل موجود نہیں حالانکہ اسلام دین فطرت ہے اور اسلام میں محنت کی عظمت، اہمیت اور ضرورت جس حسین فطری انداز میں بیان ہوتی نظر آتی ہے اس کی نظیر کسی اور نظام میں نہیں ملتی۔

کتاب ’’محنت کے اسلامی تصور‘‘ میں یہ باور کرانے کی کوشش کی گئی ہے کہ سرمایہ دارانہ نظام اور اشتراکی نظام معشیت سے مرعوب ہوئے بغیر پورے اعتماد کے ساتھ اسلام کے اقتصادی نظام سے آگاہ ہو کر اقتصادی آسودگی حاصل کی جاسکتی ہے۔

نامور مصنف، مترجم، معلم، مفسر قرآن علامہ شیخ محسن علی نجفی دام عزہ نے نہایت آسان، عام فہم اور مدلل اسلوبِ بیان اپناتے ہوئے ’’محنت کے اسلامی تصور‘‘ پر سیر حاصل بحث کی ہے اور دنیا کو در پیش اقتصادی مسائل کا قابلِ عمل حل پیش کیا ہے۔