جابر بن حیان انفارمیٹکس

مفسر قرآن علامہ شیخ محسن علی نجفی 7 کی بصیرت اور دور اندیش قیادت نے جامعہ کو نہ صرف دینی تعلیمات کا مرکز بنایا بلکہ جدید ٹیکنالوجی کی اہمیت کو بھی سمجھا اور اسے ترویج و اشاعت دین کی نورانی کرنوں سے دوانگ عالم کو منور کرنے کے لئیے ایک مؤثر وسیلے کے طور پر اپنانے کی کوشش کی۔

اہداف و مقاصد

محسن ملت آیت اللہ محسن علی نجفی 7 کی دور اندیش و معاملہ فہم نگاہ میں یہ بات واضح تھی کہ دنیا بھر کی جغرافیائی حدود و قیود کو بالائے طاق رکھتے ہوئے، بلا امتیاز رنگ و نسل اور بلا تمیز مذہب و مسلک، ہر گھر تک پیغام حق پہنچانے کے لیے جدید ٹیکنالوجی کو زیر استعمال لانا دور حاضر کا اولین تقاضا ہے۔ آپ کی اس فکر کے تحت جامعۃ الکوثر نے ”جابر بن حیان انفارمیٹکس“ یعنی جابر بن حیان انفارمیٹکس کے نام سے ایک پلیٹ فارم قائم کیا، جس کا مقصد جدید ٹیکنالوجی کے ذریعے دین اسلام کا پیغام ہر فرد تک پہنچانا ہے۔ جابر بن حیان انفارمیٹکس ایک ایسا پلیٹ فارم ہے جو موبائل ایپس، ویب سائٹس، سوشل میڈیا چینلز اور پیجز کے ذریعے قرآن اور اہل بیت Dکی تعلیمات کو جدید دور کے تقاضوں کے مطابق تشنگان و متلاشیان حق تک پہنچانے میں میں کوشاں ہے۔

خدمات

جابر بن حیان انفارمیٹکس نے متعدد پروجیکٹس کے ذریعے دینِ اسلام کے پیغام کو عالمی سطح پر پھیلانے میں اہم کردار ادا کیا ہے۔ اس نے ویب سائٹس، سوشل میڈیا چینلز پیجز اور مختلف موبائل ایپس متعارف کرائے ہیں، جو کہ پلے سٹور اور ایپ سٹور سے ڈاؤنلوڈ کی جا سکتی ہیں۔ جابر بن حیان انفارمیٹکس کی طرف سے عوامی فائدے کے لیے پیش کی جانے والی مندرجہ ذیل ایپس قرآن و اہل بیت Dکی تعلیمات کو لوگوں تک پہنچانے کا ایک جدید ذریعہ ہیں۔

اسلامی تعلیمات

دورِ حاضر میں تعلیم و تربیت کے تقاضے نہ صرف روایتی طریقوں سے بڑھ کر جدید وسائل کے مؤثر استعمال کا تقاضا کرتے ہیں بلکہ نصاب اور تدریسی عمل میں نفسیاتی پہلوؤں کی ہم آہنگی بھی ناگزیر ہو چکی ہے۔ اسی ضرورت کو مدنظر رکھتے ہوئے ایک منفرد موبائل ایپ تیار کی گئی ہے جو اسلامی تعلیمات کو جدید تعلیمی نفسیات اور نصابی اصولوں کے مطابق پیش کرنے کی قابلِ قدر کاوش ہے۔ اس ایپ کا مقصد نئی نسل کو اسلامی عقائد، فقہ، اخلاقیات اور قرآنی علوم سے روشناس کرانے کے ساتھ ساتھ ان کے تعلیمی و روحانی پہلوؤں کو یکجا کرنا ہے۔

سمر کیمپس کے طلبا کے لیے مرتب کردہ نصابی کتاب ” اسلامی تعلیمات“ کو ایپ کی صورت میں ڈھالا گیا ہے تاکہ اس تک رسائی کو مزید آسان کیا جائے۔

ایپ کے موضوعات

ایپ میں درج ذیل اہم موضوعات شامل ہیں: ” قرآنیات“ جس میں قرآن مجید کے مضامین، آیات کی تفسیر اور تجزیاتی مطالعہ شامل ہیں تاکہ قرآن کے پیغام کو بہتر انداز میں سمجھا جا سکے؛ ”اسلامی عقائد“جیسے توحید، نبوت، امامت، اور معاد جو عام فہم اور مؤثر انداز میں پیش کیے گئے ہیں؛ اور ” اخلاقیات و آداب“ جس میں انسانی زندگی کے اخلاقی اصول جیسے صداقت، دیانت اور بردباری کی تعلیمات شامل ہیں؛ ” احکام و فقہ عملی“ جس میں روزمرہ کے فقہی مسائل اور عبادات کے اصولوں کو آسان اور مختصر انداز میں بیان کیا گیا ہے؛ ”تجوید“ جس میں قرآن کی درست تلاوت کے اصول اور تجوید کے قواعد کی تفصیل دی گئی ہے؛ اور ” تاریخ اسلام اور سیرت معصومین D“ جس میں اسلامی تاریخ کے اہم واقعات اور معصومین کی سیرت کو زندگی کے لیے مشعل راہ کے طور پر پیش کیا گیا ہے۔

مذہب اہل بیت Dکے عقائد

محسن ملت حجۃ الاسلام والمسلمین شیخ محسن علی نجفی 7نے ہمیشہ اسلام کی حقیقی تعلیمات اور مذہب اہل بیت Dکے عقائد کی تفہیم و اشاعت کو اپنا مشن بنایا۔ اسی مقصد کے تحت مرکز افکار اسلامی، جنڈ اور مرکزی تحفظ عزاداری کمیٹی پاکستان کی وساطت سے ”مذہب اہل بیت Dکے عقائد و نظریات”“ کے عنوان سے ایک مختصر اور جامع کتابچہ تیار کیا گیا، جسے موبائل ایپ کی صورت میں بھی پیش کیا گیا ہے۔ یہ ایپ عقائد اہل بیتD کی صحیح تصویر کو عام فہم انداز میں پیش کرنے کی ایک اہم کوشش ہے۔ یہ عقائد کے ایک اجمالی خاکے کو نہایت سہل انداز میں پیش کرتی ہے، تاکہ مکتب تشیع کے بنیادی نظریات تک ہر خاص و عام کی رسائی ممکن ہو سکے۔

موضوعات

” مذہب اہل بیت Dکے عقائد“ ایپ کے تحت مختلف موضوعات شامل ہیں جن میں اللہ کے بارے میں ہمارا عقیدہ، نبوت کے بارے میں ہمارا عقیدہ، قرآن کے بارے میں ہمارا عقیدہ، امامت کے بارے میں ہمارا عقیدہ، معاد کے بارے میں ہمارا عقیدہ، شریعت پر عمل کے بارے میں ہمارا عقیدہ اور اللہ، رسول، اور آئمہ Dکی طرف جھوٹی نسبت کا رد شامل ہیں۔ یہ موضوعات اس بابت تعلیمات محمد وآل محمد ] کو واضح اور مؤثر طریقے سے پیش کرتے ہیں تاکہ صارفین کو مذہب اہل بیت کے عقائد سے متعلق صحیح فہم حاصل ہو سکے۔

الکوثر فی تفسیر القرآن

” الکوثر فی تفسیر القرآن“ ایپ اردو دان طبقے کو قرآن کی تفسیر اور ترجمے تک آسان رسائی فراہم کرتی ہے۔ اس ایپ کی پہلی خصوصیت اس کا دلکش ڈیزائن ہے، جو صارفین کے لیے خوبصورت اور جاذبِ نظر ہے۔ دوسری خصوصیت میں تلاش کی سہولت شامل ہے، جس کے ذریعے صارفین آیات، سورہ اور تفسیر و ترجمے میں سے کسی بھی لفظ کو آسانی سے تلاش کر سکتے ہیں۔ تیسری خصوصیت میں مکمل پی ڈی ایف مواد فراہم کیا گیا ہےتاکہ محققین کو اصل متن کے حوالے میں آسانی ہو، جس میں ۱۰ جلدوں پر مشتمل مکمل تفسیر شامل ہے۔ چوتھی خصوصیت محسن ملت کا شہرہ آفاق “ مقدمہ قرآن” ہے، جو قرآن کی تفہیم کے لیے اہم علمی مواد فراہم کرتا ہے۔

تفسیر الکوثر ایپ جدید دور میں قرآن کی تفسیر تک رسائی کا ایک بہترین ذریعہ ہے، جو محسن ملت کے ویژن اور ان کے دینِ مبین کی خدمت کے عزم کا عکاس ہے۔ اس ایپ کے ذریعے علمی و عوامی حلقے نہ صرف قرآن کے پیغام کو سمجھ سکتے ہیں بلکہ دینِ اسلام کی حقیقی روح تک رسائی بھی حاصل کر سکتے ہیں۔

بلاغ القرآن

قرآن مجید کی تلاوت اور تفہیم کے لیے ایک جامع ایپلیکیشن

بلاغ القرآن ایپلیکیشن، قرآن مجید کی تلاوت، ترجمہ، اور مختصر تفسیر کے لیے ایک جدید اور دلکش ذریعہ ہے، جو مفسر قرآن محسن ملت آیۃ اللہ شیخ محسن علی نجفی 7کی تحریر کردہ اردو ترجمہ اور حاشیہ پر مبنی ہے۔

ایپ کی خصوصیات

اس ایپ کی خصوصیات میں کئی اہم سہولتیں شامل ہیں۔ پہلی خصوصیت تلاوت کے آپشنز ہیں، جن میں صارفین کو صفحہ بہ صفحہ تلاوت، سورہ بہ سورہ اور پارہ بہ پارہ تلاوت کرنے کی سہولت حاصل ہے۔ اس کے علاوہ، صرف عربی متن، ترجمہ یا حاشیہ پڑھنے کی بھی سہولت موجود ہے، اور عربی متن کے ساتھ اردو ترجمہ اور حاشیہ بھی فراہم کیا گیا ہے۔ دوسری خصوصیت تلاش کی سہولت ہے، جس میں صارفین مطلوبہ الفاظ یا آیات کو تلاش کرنے کے لیے سرچ بٹن کا استعمال کر سکتے ہیں۔ تلاش کے نتائج میں وہ حصہ نمایاں ہوتا ہے جہاں مطلوبہ لفظ پایا جاتا ہے، اور فل ورڈ سرچ کی خصوصیت سے صرف وہی الفاظ دکھائے جاتے ہیں جو بالکل تلاش کیے گئے لفظ سے ملتے ہوں۔ اس کے علاوہ، تلاش کے نتائج کو مزید مؤثر اور تیز تر بنانے کے لیے مختلف فلٹرز فراہم کیے گئے ہیں۔ تیسری خصوصیت بک مارک یا نشانیاں لگانے کی سہولت ہے، جس کے ذریعے صارفین تلاوت کے دوران کسی بھی آیت پر نشانی لگا سکتے ہیں۔ ہر صارف کو بیس نشانیاں لگانے کی سہولت ہے اور بعد میں ان نشان زد ہ آیات کو آسانی سے دیکھنے کے لیے بک مارک لسٹ کا انتخاب کیا جا سکتا ہے۔ چوتھی خصوصیت میں متن، ترجمہ، اور حاشیہ شامل ہیں، جس میں قرآن کا دلکش عربی متن، اردو ترجمہ اور مختصر تفسیر فراہم کی گئی ہے۔ پانچویں خصوصیت موضوعاتی فہرست ہے، جو صارفین کو قرآن کی مختلف موضوعات کے حوالے سے تفسیر اور آیات تک آسان رسائی فراہم کرتی ہے۔ چھٹی خصوصیت تلاوت سننے کے اختیارات ہیں، جس میں صارفین دلکش اور خوبصورت آواز میں قرآن کی تلاوت اور اردو ترجمہ سننے کی سہولت سے استفادہ کر سکتے ہیں۔ ساتویں خصوصیت یہ ہے کہ اس میں قرآن کی تجوید سیکھنے کی سہولت، نماز کے اوقات کا تعین، سورہ اور پارہ کی فہرست شامل ہیں۔ اس کے علاوہ، ایپ میں دیدہ زیب عربی اور اردو رسم الخط فراہم کیا گیا ہے، جو پڑھنے میں آسانی اور سہولت فراہم کرتے ہیں۔

یہ ایپ نہ صرف قرآن کے پیغام کو جدید انداز میں پیش کرتی ہے بلکہ محسن ملت آیۃ اللہ شیخ محسن علی نجفی کی ابلاغی فکر کا عملی مظہر بھی ہے۔ بلاغ القرآن ایپ، قرآن فہمی اور دین کی خدمت کے میدان میں ایک انمول اضافہ ہے۔

امام علیG

معارف اہلبیت کی روشنی میں ایک منفرد پیشکش

جامعۃ الکوثر اسلام آباد کی جانب سے نسیم کربلا 2018 کے موقع پر ”امام علیG“ کے عنوان سے ایک موبائل ایپ پیش کی گئی۔ اس ایپ کا مقصد مولا متقیان امام علی ابن ابی طالب Fکی زندگی کے مختلف گوشوں کو جدید انداز میں پیش کرنا ہے، تاکہ عام افراد اور اہل علم دونوں اس سے استفادہ کر سکیں۔ یہ ایپ امام علیG کی شخصیت، ان کے اقوال، اور ان کے بارے میں اہم کتب کا تعارف فراہم کرتی ہے۔

ایپ کے اہم موضوعات

اس ایپ میں مولا علیG کے حوالے سے چند اہم موضوعات شامل ہیں، جیسے سید رضی کا تعارف، جس میں نہج البلاغہ کے مرتب علامہ سید رضی کا مختصر تعارف، ان کی علمی خدمات اور نہج البلاغہ کی ترتیب کا پس منظر بیان کیا گیا ہے۔ اس کے علاوہ، نہج البلاغہ کا تعارف بھی شامل ہے، جس میں اس کے مضامین، اہمیت، خطبات، خطوط اور اقوالِ زریں کا جائزہ لیا گیا ہے۔ حیاتِ امام علیG کے موضوع میں امام علیG کی زندگی کے اہم پہلو، ولادت سے شہادت تک کے واقعات اور نجف اشرف کی تاریخ و تعارف شامل ہیں، جہاں امام علیG کا روضہ اقدس واقع ہے۔ احادیثِ امام علیG کے سیکشن میں امام علیG کے منتخب فرامین اور احادیث، جو زندگی کے مختلف پہلوؤں کو ذکر کیا گیا ہے، اسی طرح، کتاب الغدیر کا تعارف بھی فراہم کیا گیا ہے، جس میں علامہ امینی کی معروف تصنیف”الغدیر“ کی تفصیل اور واقعہ غدیر کی اہمیت پر روشنی ڈالی گئی ہے، اور ایسی کثیر کتب کا ذکر کیا گیا ہے جن میں اس واقعہ کو بیان کیا گیا ہے۔ آخر میں، امام علیG کی زندگی، اقوال اور واقعات پر مبنی سوالات اور ان کے جوابات شامل ہیں ۔

ایپ کی خصوصیات

اس ایپ کی خصوصیات میں دلکش اور آسان ڈیزائن شامل ہے، جو صارفین کو آسانی سے مطلوبہ معلومات تک رسائی فراہم کرتا ہے۔ موضوعات کو جامع انداز میں ترتیب دیا گیا ہے تاکہ ہر طبقہ اس سے استفادہ کر سکے۔ ایپ میں سوال و جواب کی شکل میں معلومات فراہم کی گئی ہیں، جو طلبہ اور محققین کے لیے مفید ثابت ہوتی ہیں۔ علاوہ ازیں، نہج البلاغہ اور الغدیر جیسی اہم کتب کا تعارف بھی شامل ہے، جو امام علیG کی شخصیت اور دین اسلام کی تشریح میں بنیادی حیثیت رکھتی ہیں۔

امام حسینG

امام حسینG کی شہرہ آفاق شخصیت کے مختلف گوشوں پر مشتمل

3 شعبان المعظم سنہ 1440ھ ولادت با سعادت محسن انسانیت ومحافظ اسلام نواسہ پیغمبر] امام حسین ابن علی Fکی مناسبت سے ان کی شہرہ آفاق شخصیت اور سیرت طیبہ کے مختلف پہلوؤں کو بخوبی قارئین تک پہنچانے کے لئے جامعہ الکوثر نے ایک موبائل ایپ بنام”امام حسینG“ متعارف کیا ہے۔ جس میں امام عالی مقامG کی حیات مبارکہ کے چند پہلوؤں پر تحقیقی انداز سے روشنی ڈالنے کی کوشش کی گئی ہے۔

اس موبائل ایپ میں امام حسین ابن علی Fکی حیات مبارکہ کے مختصر احوال، آپ کے خطبات عالیہ اور دلنشین کلمات حکمت، آپ کے باوفا رفقائے عظام کا تعارف، شریکۃ الحسین زینب بنت علی Fکی حیات مبارکہ کا تعارف، آپ Gکے بارے میں اردو زبان میں موجود شہرہ آفاق تصانیف، آپ Gکے بارے میں مفکرین عالم ادیان کی رائے اور شعراء کے نذرانہِ عقیدت شامل ہیں۔

اس کے ساتھ،کربلا معلیٰ کا تاریخی و انقلابی سفر اور آپ کی حیات مبارکہ کو سوالات و جوابات کے آئینے میں مختصر مگر جامع و دلکش انداز میں قلمبند کرنے کی کوشش کی گئی ہے۔

اس ایپ کی ایک منفرد خصوصیت یہ ہے کہ جہاں تاریخی و اخلاقی کتابوں میں امامG عالی مقام کے فرامین بغیر کسی تخصص کے یکجا کئے ہوئے ہیں ان کو موضوعاتی طور پر الگ الگ عنوان سے پیش کیا ہے اور امامG کے اس عظیم انقلاب میں ہمیشہ کی شریک کار حضرت زینبE کی حیات مبارکہ کا مختصر اور جامع انداز میں تعارف بھی اس میں شامل ہے۔

امام حسینG کی ذات بحرِ بیکراں ہے، اور تمام تر کاوشوں کے باوجود ان کی مکمل زندگی کا احاطہ ممکن نہیں۔ یہ ایپ امام حسینG کے ابتدائی تعارف کے طور پر پیش کی گئی ہے۔ یہ ایپ جامعۃ الکوثر کی جانب سے امام حسینG کی تعلیمات اور قربانی کو عام کرنے کی ایک اہم کاوش ہے، جو دینِ مبین کی خدمت میں سنگِ میل ثابت ہوگی۔

نہج البلاغہ اردو

نہج البلاغہ، امیر المومنین امام علیG کے خطبات، خطوط، اور اقوال کا شہرہ آفاق مجموعہ، سید رضی 7 نے چوتھی صدی ہجری کے اواخر میں جمع و تدوین کیا۔ علامہ مفتی جعفر حسین اعلیٰ اللہ مقامہ نے اس کتاب کا اردو ترجمہ کیا، جو اپنی روانی، سلاست، اور فکری گہرائی کی بدولت برصغیر اور دنیا بھر میں بے حد مقبول ہوا۔ مرکز افکار اسلامی نے اس ترجمے کو جدید تقاضوں کے مطابق دوبارہ مرتب کرکے ایک شاندار موبائل ایپ کی صورت میں پیش کیا۔ جامعۃ الکوثر کے اشتراک سے تیار کردہ یہ ایپ نہج البلاغہ کے علمی و فکری خزانے تک آسان رسائی کا ایک مؤثر ذریعہ ہے۔

اس ایپ کی خصوصیات میں مکمل نہج البلاغہ کا اردو ترجمہ شامل ہے، جس میں خطبات، خطوط اور اقوال کا مکمل اردو ترجمہ فراہم کیا گیا ہے۔ ہر حصہ واضح طور پر الگ الگ زمرے میں تقسیم کیا گیا ہے تاکہ قاری آسانی سے مطلوبہ مواد تک رسائی حاصل کر سکے۔ ایپ کا جدید اور جاذب نظر ڈیزائن ہے، جس میں فہرست اور دیگر تمام سیکشنز کو خوبصورت اور سادہ بنایا گیا ہے۔ اس کے ساتھ ہی ایپ میں صارفین کے لیے تلاش کی سہولت بھی فراہم کی گئی ہے تاکہ وہ کسی بھی لفظ یا مضمون کو فوری طور پر تلاش کر سکیں، اور مزید یہ کہ ہر موضوع کو اس کے جامع اور واضح زمرے میں ترتیب دیا گیا ہے تاکہ مختلف طبقے کے لوگ بآسانی استفادہ کر سکیں۔ اس کے علاوہ، بک مارک کی سہولت شامل ہے، جس کے ذریعے صارفین پسندیدہ خطبہ، قول، یا خط کو نشان زد ہ کر کے بعد میں آسانی سے دوبارہ دیکھ سکتے ہیں۔ اس کے علاوہ، مطالعہ کے مختلف آپشنز بھی فراہم کیے گئے ہیں، جن میں عربی متن کے ساتھ اردو ترجمہ دیکھنے یا صرف اردو ترجمہ پڑھنے کی سہولت شامل ہے، اور خطبات، خطوط یا اقوال کو الگ الگ زمرے میں پڑھنے کا آپشن بھی دیا گیا ہے، کہ جوطلبہ اور محققین کے لیے خصوصی طور پر مفید ثابت ہوں گی۔

نہج البلاغہ اردو ایپ ایک بہترین کاوش ہے، جو امام علیG کے تعلیمی، فکری اور روحانی خزانے کو جدید انداز میں قارئین تک پہنچانے کا ذریعہ ہے۔ جامعۃ الکوثر اور مرکز افکار اسلامی کی یہ پیشکش، دینِ مبین کی تعلیمات کو سمجھنے اور ان سے رہنمائی حاصل کرنے کے لیے ایک اہم سنگِ میل ثابت ہو رہی ہے۔

صحیفہ سجادیہ

امام زین العابدینG کی دعاؤں کا شاہکار

امام سجادG کی دعاؤں کے ذریعے اسلامی معارف کی ترویج

امام زین العابدینG نے بنی امیہ کے مظالم اور معاشرتی انحطاط کے دور میں دعا و مناجات کے ذریعے عوام کی فکری، اخلاقی، اور روحانی تربیت کا اہتمام کیا۔ “ صحیفہ سجادیہ” امام سجادG کی پچاس سے زائد دعاؤں کا وہ عظیم مجموعہ ہے جو معرفت الٰہی، عبادت، اور اسلامی تعلیمات کا حسین امتزاج پیش کرتا ہے۔

اس مجموعے کی دعاؤں میں جہاں بندگی اور معرفتِ الٰہی کا اظہار کیا گیا ہے، وہیں سیاسی، اخلاقی، اور معاشرتی اصلاح کے پہلو بھی نمایاں ہیں۔ خاص طور پر، اہل بیت Dکے ساتھ عوام کی وابستگی کو مضبوط کرنے کے لیے ”محمد] و آل محمدD پر صلوات“ کو دعاؤں میں بار بار دہرانا اس مجموعے کی ایک منفرد خصوصیت ہے۔ امام زین العابدینG نے اپنی دعاؤں کے ذریعے ایک بگڑے ہوئے معاشرے میں حقیقی اسلامی روح پھونکی اور مستقبل کے لیے سازگار حالات پیدا کیے، جس سے امام محمد باقرG اور امام جعفر صادقG کی علمی و فکری جدوجہد کے لیے زمین ہموار ہوئی۔

اس ایپ میں اہل بیت رسولD سے مضبوط تعلق کی تلقین، خلافت و امامت کا حق، اسلامی معاشرتی اصولوں کی تعلیم، اور حقیقی اسلامی معارف سے آشنائی جیسے اہم پہلو میں شامل ہیں۔ یہ ایپ تعلیمات آل محمد D کی روشنی میں خالق حقیقی سے انسان کا تعلق اور اس کے حقوق کے حوالے سے رہنمائی کا باعث ہے۔

موضوعات

اس ایپلیکیشن میں شامل مواد میں امام سجادG کا مختصر تعارف شامل ہے، جس میں امامG کی ولادت، شہادت اور وصیت پر روشنی ڈالی گئی ہے۔ اس کے علاوہ، تعارف صحیفہ سجادیہ بھی فراہم کیا گیا ہے، جس میں صحیفہ سجادیہ کی اہمیت اور اس کے مضامین کا مختصر جائزہ پیش کیا گیا ہے۔ ایپ میں صحیفہ سجادیہ میں موجود تمام دعاؤں کی مکمل فہرست بھی شامل ہے، جس سے صارفین آسانی سے ہر دعا تک رسائی حاصل کر سکتے ہیں۔ علاوہ ازیں، ایام ہفتہ اور مناجات خمسہ عشر کی مختصر شرح کو ویڈیو اور مکتوب دونوں صورتوں میں شامل کیا گیا ہے تاکہ دعاؤں کی صورت میں تعلیمات آل محمد D کو سمجھنے میں آسانی ہو۔

اس ایپ کی خصوصیات میں اس کا دلکش اور جاذب نظر ڈیزائن شامل ہے جو صارفین کو آسانی سے مواد تک رسائی فراہم کرتا ہے۔ دعاؤں کو عربی متن کے ساتھ اردو ترجمے میں پیش کیا گیا ہے تاکہ معارف اہل بیت D کی تفہیم ہو سکے۔ مزید برآں، تمام مواد کو موضوعاتی ترتیب سے منظم کیا گیا ہے، تاکہ صارفین کو مطلوبہ معلومات آسانی سے مل سکیں۔