محسن ملت 7 کی اصلاح امت کی فکر اور تعمیر مساجد
محسن ملت، مفسرِ قرآن شیخ محسن علی نجفی 7، کی خدمات اسلامی تعلیمات کے فروغ اور اصلاح امت کے لیے نمایاں ہیں۔ انہوں نے اپنی زندگی اہل بیتD کے فرامین کی روشنی میں معاشرے کی روحانی، اخلاقی، اور تعلیمی اصلاح کے لیے وقف کیا۔ آپ کے نزدیک مسجد محض عبادات کا مقام نہیں بلکہ امت مسلمہ کی تربیت اور شعوری ترقی کا مرکز ہے۔ امام علیG کے فرمان ”المساجد بیوت المتقین و القربات الی الله“ کے مطابق، محسن ملت7 نے مساجد کو متقی افراد کے تربیتی مراکز میں تبدیل کرنے کا بیڑہ اٹھایا۔ ان کے زیرِ سرپرستی ملک کے گوشے گوشے میں سیکڑوں مساجد تعمیر ہوئیں، جن میں بہت سی مساجد مکمل طور پر آپ نے بنوائیں، جبکہ بعض مساجد کے لیے مختلف قسم کی مالی امداد فراہم کی گئی۔ خاص طور پر ان علاقوں میں، جہاں مومنین مالی وسائل کی کمی کے باعث مساجد تعمیر نہیں کر سکتے تھے، آپ نے ذاتی دلچسپی لے کر مساجد تعمیر کروائیں۔
مساجد اور ان کی گنجائش
محسن ملت7کی سرپرستی میں ملک کے طول عرض میں جہاں جہاں غریب آبادی تھی اور مساجد بنانے کی استطاعت نا تھی، وہاں محسن ملت7 نے سینکڑوں کی تعداد میں مساجد تعمیر کروائیں ہیں۔ ان مساجد میں نماز با جماعت ادا کی جاتی ہے اور اہل علاقہ کے لیے عبادات اور دینی پروگرامز کے انعقاد کے لیے ایک پلیٹ فارم بھی ہیں۔ اہل علاقہ کے مطابق ان مساجد کی وجہ سے لوگوں میں مزید مذہبی رجحان نے جنم لیا ہے۔ یہ پروجیکٹ مزید وسعت پکڑ رہا ہے اور اس وقت 30 مساجد زیر تعمیر ہیں، جبکہ 55 مزید درخواستیں موجود ہیں جن پر کام کا آغاز ہونا باقی ہے۔ یہ مساجد مختلف سائز اور گنجائش کی حامل ہیں، جن میں کم سے کم 35 اور زیادہ سے زیادہ 6500 نمازیوں کی گنجائش موجود ہے۔ ان مساجد میں سے کئی جامع مساجد کا درجہ رکھتی ہیں، جہاں جمعہ کی نماز ادا کی جاتی ہے، اور یہ مقامی کمیونٹی کے لیے اجتماعی عبادات کے مراکز کے طور پر کام کر رہی ہیں۔
تعلیمی اور سماجی پہلو
محسن ملت7 کی فکر اور ان کی ہدایات کے مطابق مساجد کو تعلیمی کے مراکز کے طور پر بھی استعمال کی جاتا ہے۔ ان کی زیر نگرانی 60٪ مساجد میں ٹیوشن سینٹرز قائم کیے گئے، جہاں بچوں کی تعداد 20 سے 200 کے درمیان ہے۔ مزید برآں، 35٪ مساجد میں شارٹ کورسز اور تعلیمی پروگرامز منعقد کیے جاتے ہیں، جن میں قرآن کی تعلیم، سنڈے سکول، اور مجالس شامل ہیں۔ خواتین اور بچوں کے لیے خصوصی پروگرامز، جیسے قرآن کی تعلیم اور دروس، ان مساجد کے ایک لازمی جزو ہیں۔
محسن ملت7 کی خدمات اصلاح امت کے عظیم مشن کا حصہ ہیں۔ امام محمد باقرG کے فرمان ”رحم الله من أحيا أمرنا“ کے مطابق، آپ نے اہل بیتD کے پیغام کو زندہ رکھنے کے لیے اپنی زندگی وقف کر دی۔ آپ نے مساجد کو نہ صرف عبادات بلکہ تعلیم و تربیت اور سماجی اصلاح کے مراکز میں بدل دیا۔ یہ مساجد دین کے بنیادی اصولوں کی ترویج اور معاشرتی بگاڑ کی اصلاح کا ذریعہ بنیں۔ آج یہ مشن، جو اہل بیتD کی تعلیمات کا عملی مظہر ہے، آپ کی روشن میراث کے طور پر جاری ہے۔