یتیم خانوں کا قیام

محسن ملت7 کا عزمِ خدمت ایتام

محسن ملت آیت اللہ شیخ محسن علی نجفی 7 ایک ایسی شخصیت ہیں جنہوں نے اپنی زندگی دینِ اسلام کی ترویج، علم کے فروغ، اور مظلوم و بے سہارا افراد کی فلاح و بہبود کے لیے وقف کر دی۔ آپ نے اپنی بصیرت سے نہ صرف تعلیمی میدان میں انقلابی خدمات انجام دیں بلکہ یتیموں اور بے سہارا بچوں کے لیے ایسے ادارے قائم کیے جو ان کی زندگیوں کو روشنی اور امید سے بھر دیتے ہیں۔ آپ کا مشن ہمیشہ امت مسلمہ کے کمزور طبقے کو سہارا دینا اور ان کے مستقبل کو سنوارنا رہا ہے۔

الکوثر کمپلیکس، پاراچنار

پاراچنار، جو طویل عرصے سے دہشت گردی اور فرقہ وارانہ کشیدگی کا شکار رہا، وہاں کے بے سہارا بچوں کے لیے آیت اللہ شیخ محسن علی نجفی 7 نے ”الکوثر کمپلیکس“ کے نام سے ایک منفرد یتیم خانہ قائم کیا۔ یہ ادارہ ان مظلوم بچوں کی پناہ گاہ ہے جو دہشت گردی کے واقعات میں اپنے خاندانوں سے محروم ہو چکے ہیں۔ اس وقت یہاں 110 یتیم بچے اور 80 یتیم بچیاں زیر پرورش و تعلیم ہیں۔

الکوثر کمپلیکس میں بچوں کی بہترین تعلیم و تربیت کا اہتمام کیا جاتا ہے، جہاں انہیں صرف رسمی تعلیم ہی نہیں بلکہ اخلاقی اور دینی تربیت بھی فراہم کی جاتی ہے۔

سفینہ چلڈرن ہوم، اسلام آباد

8 اکتوبر 2005 کے تباہ کن زلزلے کے بعد ‘‘سفینہ چلڈرن ہوم” کی بنیاد رکھی گئی۔ اسلام آباد میں واقع یہ یتیم خانہ بھی آیت اللہ شیخ محسن علی نجفی 7 کی فلاحی بصیرت کا مظہر ہے۔ اس یتیم خانے میں 120 سے زائد یتیم بچے زیر کفالت ہیں۔

دار الامام الرضاG بلکسر

پنجاب کے علاقے بلکسر میں ایک اور عظیم یتیم خانہ ”دار الامام الرضاG“ زیرِ تعمیر ہے۔ اس وسیع و عریض منصوبے میں کئی سو بچوں کے قیام کی گنجائش ہوگی۔ یہاں بچوں کو رہائش، تعلیم، اور دیگر تمام ضروریاتِ زندگی مہیا کی جائیں گی تاکہ ان کی زندگیوں کو بہتر بنایا جا سکے۔

دار المودۃ کشمیر

شیخ محسن علی نجفی کی خدمات کے تسلسل میں کشمیر کے شہر مظفر آباد میں ”دار المودۃ“ کے نام سے ایک یتیم خانہ زیر تعمیر ہے۔ جس کی بنیاد 2021 میں رکھی گئی۔ اس ادارے میں 150 سے 200 بچوں کے قیام کی گنجائش ہوگی اور یہ بنیادی تمام سہولیات، جیسے کہ کھانے، تعلیم، اور رہائش فراہم کرے گا۔ یہ یتیم خانہ کشمیر کے ان بچوں کے لیے امید کی کرن ثابت ہوگا جو بے سہارا اور بے یار و مددگار ہیں۔