آئی ہادی

آئی ہادی ایک جدید اور ممتاز تعلیمی ادارہ ہے۔ جو اسلامی تعلیمات اور قرآن و اہل بیتD کی روشنی کو دنیا بھر کے تشنگان علم تک پہنچانے کے لیے قائم کیا گیا۔ دنیاوی ترقی اور ٹیکنالوجی کے تیزی سے بڑھتے ہوئے اثرات کے پیش نظر، یہ ادارہ آن لائن تعلیم کے ذریعے اسلامی اقدار کو فروغ دینے میں اہم کردار ادا کر رہا ہے۔

انٹرنیٹ اور کمپیوٹرز کے ذریعہ، آئی ہادی نے تعلیمی میدان میں جدید تقاضوں کو مدنظر رکھتے ہوئے طلبہ کو فاصلاتی تعلیم فراہم کرنے کا آغاز کیا۔ یہ ادارہ جامعۃ الکوثر اسلام آباد جیسے معتبر ادارے کے ما تحت اپنی خدمات انجام دے رہا ہے۔ جامعہ کے اعلی کلاسز کے قابل اور دینی و عصری تعلیم سے مزین با خبر نوجوان طلباء کرام کی تدریس کے لیے خدمات حاصل کی جاتی ہیں۔ محسنِ ملت7 کا ویژن آئی ہادی کی بنیادوں میں روح کی مانند ہے۔ ان کی رہنمائی نے اس ادارے کو اسلامی تعلیمات کی روشنی دنیا بھر میں پھیلانے اور صحیح عقائد کو فروغ دینے کے لیے کوشاں رکھا۔ محسن ملت7 کا مشن صرف تعلیم دینا نہیں بلکہ قلوب کو نورِ قرآن اور کلام اہل بیت سے منور کرنا اور امت مسلمہ کو ایک علمی و فکری سمت عطا کرنا تھا، جو آج بھی آئی ہادی کی ہر کاوش میں جھلکتا ہے۔

آئی ہادی کا مقصد

آئی ہادی ان والدین کے لیے ایک مثالی حل پیش کرتا ہے جو اپنے بچوں کو مغربی معاشرتی اثرات سے بچانے اور اسلامی اقدار سکھانے کے خواہاں ہیں۔ اکثر والدین وقت کی کمی یا مناسب اساتذہ کی عدم دستیابی کی وجہ سے خود اس ذمہ داری کو مؤثر طریقے سے ادا نہیں کر پاتے۔ آئی ہادی کا آن لائن تعلیمی نظام اس مسئلے کو حل کرنے کے لیے پیش کیا گیا ہے، جس کے ذریعے ایک فرد کو انفرادی طور پر یا گروپ کی شکل میں معیاری تعلیم فراہم کی جاتی ہے۔

آئی ہادی کی خصوصیات

پیشہ ورانہ خدمات: آئی ہادی ہوم سکولنگ سے بڑھ کر ہے۔ یہ ماہر اسلامک اسکالرز کی ایک ٹیم پر مشتمل ہے جو اس تعلیمی پروجیکٹ پر کام کر رہی ہے۔ بہترین جامع نصاب اور پڑھانے کے موثر انداز اس بات کی دلیل ہیں۔

لرننگ مینجمنٹ سسٹم (LMS): آئی ہا دی ان لائن کلاسز کو LMS کے ذریعے منظم اور آسان بناتا ہے۔ آئی ہادی کا LMS کورس کے دوران طلباء کی کارکردگی پر نظر رکھتا ہے اور ان کی تعلیمی ترقی کو بہتر بنانے میں مدد فراہم کرتا ہے۔

ہائی اسپیڈ انٹرنیٹ کنکٹیویٹی: ادارہ فائبر انٹرنیٹ کنکشن کا استعمال کرتا ہے تاکہ طلبہ کو بہترین تعلیمی تجربہ فراہم کیا جا سکے۔

آئی ہادی، آن لائن قرآن انسٹی ٹیوٹ کے طور پر، اپنے طلبہ کو معیاری تعلیم فراہم کرنے کے ساتھ ان کے اخلاق کردار کی تعمیر میں بھی مددگار ثابت ہوتا ہے۔

تعلیمی نصاب اور تدریسی موضوعات

آئی ہادی کا تعلیمی نصاب عالمی معیار کے مطابق تشکیل دیا گیا ہے، جس میں مقامی ضروریات اور اسلامی تعلیمات کو یکجا کیا گیا ہے۔ اس نصاب کے تحت قرآن کی تعلیمات جیسے قرآنی قاعدہ، ناظرہ قرآن، تجوید، اور ترجمہ و تفسیر شامل ہیں، جبکہ اسلامی علوم میں اسلامی عقائد، احکام اور اخلاقیات پر بھی توجہ دی جاتی ہے۔ اس کے علاوہ، دیگر تدریسی موضوعات میں سیرت، حدیث، تاریخ اور تقابل ادیان شامل ہیں، جو طلباء کو ایک جامع تعلیمی تجربہ فراہم کرتے ہیں۔ یہ تمام کورسز طلباء کو گہرائی سے دین مبین اسلام کے بارے آگاہی فراہم کرنے کے لیے ترتیب دیے گئے ہیں، جو ان کے علم میں اضافہ اور روحانیت میں اضافہ کا باعث بنتے ہیں۔

تدریسی نظام اور تدریسی طریقے

آئی ہادی کا تدریسی ماڈل مکمل طور پر آن لائن تعلیم پر مبنی ہے۔ یہ جدید ٹیکنالوجی اور انٹرایکٹو تدریسی طریقوں کا استعمال کرتے ہوئے طلباء کی جدید تعلیمی ضروریات کا خیال رکھتا ہے۔

تدریسی نظام: تدریسی نظام کے تحت اساتذہ کو خصوصی تربیت دی جاتی ہے تاکہ وہ طلباء کی تعلیمی اور اخلاقی نشوونما کو بہتر بنا سکیں۔ طلباء کی کارکردگی کا جائزہ لینے کے لیے ماہانہ ٹیسٹ اور فیڈ بیک کا نظام موجود ہے، جس سے ان کی ترقی کا مسلسل اندازہ لگایا جاتا ہے۔ اس کے علاوہ، عالمی معیار کے مطابق انٹرایکٹو کوئزز اور امتحانات بھی منعقد کیے جاتے ہیں، جو طلباء کی تعلیم میں مزید بہتری لانے میں مددگار ثابت ہوتے ہیں۔

طریقہ تدریس: طریقہ تدریس میں انٹرایکٹو تدریسی ماڈل اپنایا گیا ہے، جس کے ذریعے آن لائن کلاسز کے ذریعے طلباء کو جدید اور مؤثر تعلیم فراہم کی جاتی ہے۔ طلباء کی پیشرفت کو مانیٹر کرنے کے لیے ایک جامع اور منظم طریقہ کار اختیار کیا گیا ہے، جس سے ان کی تعلیمی حالت کا مستقل جائزہ لیا جاتا ہے اور بہتری کے لیے اقدامات کیے جاتے ہیں

یہ نظام طلباء کو تعلیمی میدان میں کامیابی کے ساتھ ساتھ اسلامی اقدار کی بنیاد پر تربیت دینے میں اہم کردار ادا کرتا ہے۔ ادارے کے قیام سے اب تک ڈیڑھ ہزار طلباء تعلیم حاصل کر چکے ہیں، جبکہ موجودہ زیر تعلیم طلباء کی تعداد 156 ہے۔

تعلیمی کامیابیاں: اب تک آئی ہادی کے 575 طلباء نے قرآن کورسز مکمل کر رکھے ہیں، اور کل 950 طلباء ادارے سے فارغ التحصیل ہو چکے ہیں۔

سماجی اثرات: آئی ہادی نے معاشرے میں عقائد اور قرآن مجید کو درست عربی لحن میں پڑھنے کے لیے تجوید سیکھنے پر زور دیا ہے اور اسلامی اقدار کی ترویج میں نمایاں کردار ادا کیا ہے۔ تعلیم بالغان، تعلیم نسوان اور کمزور طبقات کی تعلیم کے لیے اپنی خدمات پیش کی ہیں۔ آئی ہادی سوشل میڈیا پلیٹ فارمز جیسے فیس بک اور انسٹاگرام کے ذریعے عوام تک اپنے پیغام کو پہنچا رہا ہے۔

مستقبل کے منصوبے: آئی ہادی کے آئندہ منصوبوں میں فقہی مسائل میں معاونت کے لیے ورچوئل یونیورسٹی کا قیام اور اسلامی تعلیمات کے نئے کورسز شامل ہیں۔ ادارہ تعلیمات قرآن و اہل بیتD کے فروغ میں مسلسل کوشاں ہے اور مستقبل میں مزید تحقیقی پروجیکٹس کا ارادہ رکھتا ہے۔