رسالات ڈاٹ کام

جدید دور میں دینی تعلیمات کا جدید طریقہ ابلاغ

جدید دور میں انفارمیشن ٹیکنالوجی نے انسانی زندگی کے ہر پہلو کو بدل کر رکھ دیا ہے، اور دینی تعلیمات اور تبلیغ کے روایتی انداز کو بھی جدید ٹیکنالوجی سے ہم آہنگ کرنا وقت کی اہم ضرورت بن چکا ہے۔ اس چیلنج کو مدنظر رکھتے ہوئے آیت اللہ شیخ محسن علی نجفی 7 نے “ رسالات ڈاٹ کام” کا قیام عمل میں لایا۔

یہ ادارہ 12 اکتوبر 2021 کو اس عزم کے ساتھ قائم کیا گیا کہ جدید ٹیکنالوجی کے ذریعے اردو زبان میں مستند دینی مواد فراہم کیا جائے۔ یہ ویب سائٹ نہ صرف مواد کی فراہمی کا ذریعہ ہے بلکہ دین اسلام کے پیغام کو بغیر کسی جغرافیائی یا مذہبی حد کے ہر گھر تک پہنچانے کی ایک کامیاب کوشش ہے۔

رسالات کے مقاصد

محسن ملت کی بصیرت اور جدید ٹیکنالوجی کے استعمال نے اس ویب سائٹ کو ایک قیمتی وسیلہ بنا دیا ہے۔ اس کا مقصد صرف تعلیمی مواد کی فراہمی نہیں بلکہ امت مسلمہ کو درپیش مسائل کا حل اور ان کے لیے تربیتی و تعلیمی مواقع فراہم کرنا بھی ہے۔

رسالات ڈاٹ کام کا بنیادی مقصد دینی علوم کی ترویج اور جدید ٹیکنالوجی کے ذریعے اسلامی تعلیمات کو عام کرنا ہے۔ یہ ادارہ اردو زبان میں مستند مواد فراہم کر کے علماء، ذاکرین، اور طلباء کو قرآن، حدیث، عقائد، سیرت، اور دیگر دینی موضوعات پر تحقیقی معاونت فراہم کرتا ہے۔

اس کا ایک اہم ہدف دینی تعلیمات کو گھر گھر پہنچانا اور تبلیغ دین کے مشن کو جدید تقاضوں کے مطابق پیش کرنا ہے۔ مزید برآں، مواد کی تعداد اور معیار کو بہتر بنانے کے ساتھ ساتھ، نئی ٹیکنالوجیز کے ذریعے علم کو عام کرنے کی کوشش جاری ہے۔

رسالات ڈاٹ کام کی خدمات

رسالات ڈاٹ کام دینی علوم اور جدید ٹیکنالوجی کا حسین امتزاج پیش کرتا ہے۔ اس کے ذریعے علماء، محققین، اور طلباء کو اردو زبان میں مستند مواد فراہم کیا جاتا ہے، جو ان کی تدریس، تحقیق، اور تبلیغ کے لیے نہایت معاون ثابت ہوتا ہے۔ اس ویب سائٹ پر قرآن و حدیث، عقائد، اخلاقیات، سیرت، اور دیگر اسلامی موضوعات پر مبنی مضامین اور مقالات دستیاب ہیں۔

ویب سائٹ پر روزانہ کی بنیاد پر مواد اپلوڈ کیا جاتا ہے، جو دینی اور تعلیمی ضروریات کو پورا کرنے میں مددگار ہے۔ یہ پلیٹ فارم ان لوگوں کے لیے خاص طور پر مفید ہے جو اردو زبان میں دینی مواد کی تلاش میں ہوتے ہیں۔ مزید برآں، مبلغین کو تربیت دینے اور ان کے لیے تدریسی مواد فراہم کرنے پر خصوصی توجہ دی جاتی ہے، تاکہ وہ جدید تقاضوں کے مطابق تبلیغ کا فریضہ انجام دے سکیں۔

رسالات ڈاٹ کام نے جدید میڈیا کو استعمال کرتے ہوئے دینی تعلیمات کو نہ صرف علماء تک محدود رکھا ہے بلکہ عام لوگوں کے لیے بھی قابل رسائی بنایا ہے۔ اس کاوش سے روزانہ سینکڑوں لوگ مستفید ہو رہے ہیں اور اپنی علمی پیاس بجھا رہے ہیں۔

موضوعات اور تحقیقی کام

دینی علوم کا جامع احاطہ

رسالات ڈاٹ کام نے دینی علوم کے مختلف پہلوؤں کو اپنی تحقیق اور مواد کے ذریعے ایک مربوط شکل دی ہے۔ قرآنیات، احادیث، عقائد، سیرت، اخلاقیات، تبلیغ، اور دیگر اہم موضوعات پر مستند اور معیاری مواد فراہم کیا جاتا ہے۔ یہ مواد نہ صرف علماء کے لیے مفید ہے بلکہ عام قارئین اور طلباء کو بھی دینی تعلیمات کی گہرائی کو سمجھنے میں مدد دیتا ہے۔

قرآنیات میں قرآن کا ترجمہ، حاشیہ، اور تفسیر جیسے اہم پہلوؤں کا احاطہ کیا گیا ہے۔ تفسیر ترتیبی، تفسیر موضوعی، اور علوم قرآن پر تحقیقی کام کے ساتھ ساتھ تجوید اور قرآنی مقالات بھی شامل ہیں۔

احادیث کے شعبے میں موضوعی احادیث، اہل بیت Dکے اقوال، اور نہج البلاغہ جیسے قیمتی علمی ذخائر کا انتخاب کیا گیا ہے۔ اس کے علاوہ، مقالات حدیث اور رجال پر تحقیق بھی شامل ہے۔

عقائد کے موضوع میں وجود خدا، توحید، عدل، نبوت، امامت، اور قیامت جیسے اہم عقائد پر گہری بحث کی گئی ہے۔ ان موضوعات کو عام فہم اور علمی انداز میں پیش کیا گیا ہے تاکہ قارئین ان تصورات کو بہتر طور پر سمجھ سکیں۔

سیرت کے حوالے سے رسول اکرم ]، ائمہ معصومین، اور اہل بیت Dکی زندگیاں اور ان کے اخلاق و کردار کو اجاگر کیا گیا ہے۔ اس کے علاوہ، سیدہ فاطمہ زہرا Eاور دیگر معصومین D کی سیرت پر بھی روشنی ڈالی گئی ہے۔

اخلاقیات اور تبلیغ جیسے موضوعات میں دعا، مناجات، اور اخلاق حسنہ و رذیلہ جیسے پہلو شامل ہیں۔ تبلیغ کے میدان میں روش تبلیغ اور مبلغین کی خصوصیات جیسے موضوعات پر مواد فراہم کیا گیا ہے تاکہ علماء اور ذاکرین کو اپنے پیغام کو مؤثر انداز میں پیش کرنے میں آسانی ہو۔

رسالات ڈاٹ کام نے ان موضوعات کو صرف فہرست تک محدود نہیں رکھا بلکہ ہر موضوع پر علمی مواد پیش کیا ہے۔ جو اسلامی علوم کا ایک جامع ذخیرہ بناتا ہے۔

رسالات ڈاٹ کام نے دینی علوم کے اہم موضوعات کو ذیلی سطح پر مزید تفصیل سے پیش کیا ہے، تاکہ ہر پہلو کو گہرائی سے سمجھا جا سکے۔ قرآنیات، حدیث، عقائد، اور اخلاقیات جیسے وسیع عنوانات کے تحت مختلف تحقیقی پہلوؤں کا احاطہ کیا گیا ہے، جو قارئین اور محققین کے لیے نہایت مفید ثابت ہو رہے ہیں۔

قرآنیات میں تفسیر ترتیبی اور موضوعی تفسیر کے ساتھ ساتھ علوم قرآن پر گہرائی سے تحقیق کی گئی ہے۔ قواعد تجوید کو شامل کرکے طلباء اور قارئین کو قرآنی متن کی درست ادائیگی سکھانے میں مدد دی گئی ہے۔

احادیث کے شعبے میں نہج البلاغہ، موضوعی احادیث، اور میزان الحکمة جیسے ذخائر پر کام کیا گیا ہے۔ یہ مواد نہ صرف علمی حلقوں میں مقبول ہے بلکہ عام قارئین کے لیے بھی تحقیق کا اہم ذریعہ ہے۔

سیرت کے شعبے میں نبی اکرم ] اور ائمہ معصومین Dکی زندگیاں اور ان کے نمایاں پہلو پیش کیے گئے ہیں۔ سیدہ فاطمہ زہرا E، حضرت عباس علمدار، اور سیدہ زینب بنت علی سلام اللہ علیہما کی سیرت پر تفصیلی مقالات خطباء وقارئین کی رہنمائی کے لیے فراہم کیے گئے ہیں۔

اخلاقیات کے تحت دعا و مناجات، اخلاق حسنہ، اور اخلاق رذیلہ پر تفصیلی بحث کی گئی ہے، تاکہ قارئین اپنی روحانی اور اخلاقی زندگی کو بہتر بنا سکیں۔

اس میں متفرق موضوعات جیسے اربعین، مباہلہ، عیدین، اور ایام کی مناسبت سے مخصوص مضامین بھی شامل ہیں۔ خطباتِ جمعہ کے لیے تیار کردہ مواد ہزاروں علماء تک پہنچایا جاتا ہے، جو ایام کے حالات اور تربیتی موضوعات پر مبنی ہوتا ہے۔